CHARLES CASHA JKELLEM LILL-ISTUDENTI FL-ISKOLA GIOVANNI CURMI - IN-NAXXAR
Nhar il-Ġimgħa 5 ta' Marzu, l-awtur kien il-mistieden fl-iskola Giovanni Curmi, biex ikellem lill-istudenti tal-iskola. Casha tkellem dwar il-karriera tiegħu, il-pubbliċità, iċ-ċensura u l-kritika. Huwa wieġeb diversi mistoqsijiet li saru mill-istudenti. Huwa tkellem ukoll dwar xi wħud mill-kotba tiegħu l-aktar dawk maħsuba għall-adolexxenti. Wara huwa tkellem mal-għalliema tal-Malti. Qabel il-laqgħa mal-istudenti, is-Sur Marcel Zammit Marmara dawwar lill-awtur mal-librerija tal-iskola. Is-sur Casha wera l-apprezzament tiegħu għall-ħidma fejjieda li qiegħda ssir fl-iskola favur l-ilsien Malti u l-kittieba Maltin.